-->
-->
Радичевиќ: Убаво што се вративме на победничките патеки
-->
Ракометарките на македонскиот шампион ЖРК Вардар со победата над Турнингер остварена вчера во последното коло од групата во Главната фаза го освоија првото место во групата 1 од Лигата на шампионите и во четвртфиналето ќе играат против четвртопласираната екипа од групата 2. ЖРК Вардар по двата пораза ја прекина серијата неуспеси и со победа од 36:26 над германскиот тим ги заврши натпреварите од оваа фаза.
По дуелот со Турингер црногорската интернационалка во дресот на ЖРК Вардар, Јованка Радичевиќ која беше најефикасна со 9 голови изјави:
- Убаво е што се вративме на победничките патеки, особено по срамниот пораз од Мец. Можеби тоа беше и добро за да останеме на земја и да работиме напорно. На овој натпревар од првата минута покажавме дека го респектираме Турингер. Без разлика кој ќе биде противникот во четвртфиналето, на крај работите зависат од нас. Моја голема желба ми е со Вардар конечно да ја освојам Лигата на шампионите.
ЖРК Вардар во четвртфиналето ќе игра против дански Митјиланд или европскиот првак Букурешт. Митјиланд има еден бод повеќе од Букурешт, екипа која попладнево го игра последниот натпревар од групата на гости кај Есбјерг.
-->
-->
-->
Ново на Сител
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено
-
Сончево и топло, попладне локално дожд и грмежи
-
За 12 октомври се подготвува реванш меѓу Усик и Фјури
-
Топ 5 технолошки новитети кои доаѓаат во блиска иднина