Радев: Указ за привремена влада најрано во вторник
Бугарскиот претседател Румен Радев рече дека ќе стори се што е можно за да се назначи официјалната влада на земјата на најбрз начин.
Како што јави дописникот на МИА од Софија, најраниот датум за ова е 11 мај, вторник.
Според Радев, составот на владата ќе биде избалансиран, така што „привремената влада ќе има многу краток мандат, очекувањата се големи, одговорностите се високи и станува збор за рамнотежа, да се најде најдобрата екипа, која ќе комбинира на оптимален начин да ја исполни оваа тешка задача“.
Се очекува во вторник Радев да издаде указ за распуштање на 45-то Национално собрание и да ги закаже предвремените парламентарни избори на 11 јули. Со тоа официјално ќе започне и работата на новата Централна изборна комисија.
Радев и потпретседателката Илијана Јотова денеска положија цвеќе на Споменикот на непознатиот војник по повод 76-годишнината од крајот на Втората светска војна.
Според него, „Денот на Европа и Денот на победата не треба да се спротивставуваат“.
– Непотребно е да ги споредуваме и да спориме што е позначајно. Но, во никој случај не смееме да ги заборавиме злосторствата на нацизмот и секогаш треба да се сеќаваме на жртвите на оние кои достојно се исправија во одбрана на човештвото, рече Радев.
Радев и Јотова присуствуваа на церемонијата на подигнување на знамето на Европската унија пред претседателската институција во Софија.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром