Радев: Бугарија е остров на стабилност во целиот балкански регион
Бугарија е стабилна држава, таа е остров на стабилност во целиот балкански регион, изјави денеска бугарскиот претседател Румен Радев во Берлин, каде се одржува Економски форум за Бугарија.
Тој осврнувајќи се на ситуацијата во Бугарија потенцира дека земјата има реален економски раст, инфлација околу нула, осум проценти невработеност и раст на извозот, јави БТА.
- За нас е важно да создадема добра бизнис клима, која ќе привлече инвестиции, посочи Радев, додавајќи дека позитивни фактори се ниските даночни стапки и желбата на Бугарија да си ја развиваат државата.
Тој призна дека има и некои недостатоци.
- Се уште не сме создале стабилен и транспарентен амбиент, во сите региони на Бугарија нема соодветна инфраструктура, има дефицит на квалификувана работна сила, но ние ја имаме патната карта и ги знаеме задачите, истакна Радев.
Тој додаде дека се надева оти Германија ќе продолжи да биде активна во инвестирањето во Бугарија.
- Добрите бизнис односи меѓу двете држави се мост, по кој поминуваат добрите односи во науката, образованието, културата и другите сфери на општествено-политичкиот живот.
Ново на Сител
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест
-
На западот на Австралија 160 насукани, а 26 угинати китови
-
Паднаа перките на познатата ветерница над клубот „Мулен руж" во Париз
-
Атлетико сака да ја продолжи соработката со Витсел