Работодавачите бараат итно да се формира нова Влада и да се донесе нов сет антикризни мерки
Организацијата на работодавачи бара брзо формирање на Влада, со цел да се донесат нов сет антикризни мерки.
Претседателот на Организација на работодавачи, Ангел Димитров вели дека посебно на удар е текстилната индустрија. Бизнисот со шиење заштина опрема и маски стагнира, а работодавачите алармираат дека на голем број конфекции им се заканува затварање во октомври поради намалената побарувачка од нивните традиционални партнери. Се жалат дека сега се оставени сами да се справуваат кога голем дел од работниците се дома. Или се позитивни на корона вирус или се во изолација.
Димитров вели дека мора да се донесат сет на мерки, со цел да се зачуваат работните места, една од мерките по примерот на Германија е трошоците за работниците за четири часа да ги подмирува работодавачот, а останатите четири часа државата.
Анализата на Кластерот за текстил покажа дека е можно отпуштање во овој сектор, посебно ако пандемијата со овој интензитет продолжи до крајот на годината. Тоа и догодина би значело помала ликвидност, а повеќе изгубени работни места. Дел од штипските текстстилци уште во јули ја најавија можноста бројот на вработени во оваа гранка да се преполови.
Димитров потенцира дека добро е што се објавија имињата на фирмите, кои ги злоупотребијa парите за работниците, а какошто вели списокот пикaжува дека големите текстилни компании немаат направено вакви злоупотреби.
Тој вели дека бараат Владата преку електронскиот систем за исплата на плати строго да контролира дали парите стигнале до вработените и јавно да ги објавуваат сите што направиле злоупотреби. Но бараат и прецизни одредби за да нема манипулации.
Поради корона вирусот во источниот регион од државата во различни периоди повремено беа затворени над 20 текстилни фабрики. Најголемиот дел во Штип, а останатите во Свети Николе и Пробиштип. Поради алармантната ситуација во Штип дел од конфекциите од 1 Август се на колективен годишен одмор. Голем дел од нив со работа стартуваат од утре.
Ново на Сител
-

Минчев: Како коалиција сме во завршна фаза на нов закон каде ќе има употреба на јазиците на етничките заедници
-

Пообилен дожд во западните делови, ќе престанат утре попладне
-

Шест и пол тони Кокаин заплени на брод кај Канарските Острови
-

Нетанјаху: Израел ќе одреди кои странски војници ќе учествуваат во меѓународните сили во Газа
-

КБК Шампион прогласен за најдобар во рингот на Балканскиот куп во Тешањ - БиХ
-

Македонските кикбоксери со 20 медали од Европскиот куп „Балкан опен“ во Тешањ - Босна и Херцеговина
-

Силекс дојде до нова победа и ја продлабочи кризата на Пелистер
-

Ѓорѓиевски: Потпишана декларација за обединување за подобро Шуто Оризари
