-->
-->
Работнички очекува околу 10.000 навивачи за вечерашниот дуел со Рубин
-->
Екипата на Работнички вечерва (20:00 часот) во Националната Арена „Филип Втори“ го игра првиот натпревар од баражот од Лига Европа. Ривал на македонскиот претставник е руската екипа Рубин.
Според информациите од клубот на вечерашниот натпревар се очекува околу 10.000 гледачи да го следат дуелот. Притоа побарување за влезници сеуште има, а по цена од 200 денари можат да се купат и на билетарницата која се наоѓа на Источната трибина на Нацаионалната Арена „Филип Втори“.
По трите успешно минати елиминациски кола (Флора, Јелгава и Трабзон) македонскиот тим е на чекор од настапите во групната фаза на ова натпреварување.
Во редовите на Работнички се свесни за постигнатото и истакнуваат дека ќе се обидат на првиот натпревар во Скопје да остварат позитивен резултат. Тренерот Игор Ангеловски нема дилеми околу составот. Според најавата Работнички вечерва треба да истрча со следните 11 играчи: Божиновски, Силјановски, Илиевски, Ристевски, Цикарски, Сахити, Вујчиќ, Петровиќ, Марковски, Алтипармаковски и Чума.
Тренерот Ангеловски за денешниот натпревар неможе да смета на капитенот Блаже Илијоски (поради жолти картони), како и на Душко Трајчевски (исклучен на дуелот со Трабзон, но и повреден).
- Тимот го надополнува секое отсуство. Најважно од се е како ќе игра мојата екипа и ќе мора да ја играме нашата игра. И на овој дуел ќе се обидеме да наметнеме висок пресинг и да играме на гол повеќе, изјави Ангеловски.
Натпреварот ќе го унгарскиот судија Иштван Вад.
-->
-->
-->
Ново на Сител
-
Полицијата приведе две лица кои сакаа да ја обноват црквата во Галате
-
Нов состав на историската комисија
-
Сузбиена организирана криминална група инволвирана во криумчарење мигранти
-
За една недела отстрането 91 непрописно паркирано возило во Општина Центар
-
Секој деветти смртен случај кај новороденчињата во Македонија е поврзан со загаден воздух
-
Македонски државјанин уапсен во Швајцарија - Се обидел да изврши грабеж во пензионерски дом
-
Спречени обиди за криумчарење ловечка муниција, цигари, брендирана облека и девизи
-
Мотоциклист од Валандово изгубил контрола и удрил во паркирано возило