Работилница за Државната програма 2016-2019 за борба против корупцијата
Претставници од сите државни институции, невладиниот сектор, ОБСЕ, експерти од Европската комисија и бизнис секторот имаат можност да дадат свои предлози и ставови за доградување на предлог текстот на Државната комисија за спречување корупција за државната програма 2016-2019 година за превенција и намалување на судирот на интереси на работилницата што денеска и утре се одржува во Струга.
Претседателот на Државната комисија за спречување корупција Горан Миленков појасни дека Државната програма 2016-2019 година е стратешки документ со кој Република Македонија ги следи антикоруциските стандарди.
- Ова претставува законска обврска на Комисијата и сите 54 земји потписнички на конвенцијата имаат обврска тоа да го направат со донесување програма, која институциите во државата се должни да ја следат и имплементираат, истакна Миленков.
Со донесувањето на програмата, Антикорупциска има обврска да ги мониторира институциите како и во која мера ја следат.
- Кога ќе се донесе овој стратешки документ сите институции треба да го следат, а ние да ги контролираме како се имплементира, рече првиот човек на Антикорупциска.
Документот, за кој веќе е изработен базичен текст, Миленков нагласи дека претставува Национална стратегија на Република Македонија за борба против корупцијата. Информира дека при крај се со имплементација на Програмата 2011-2015 година и оти ги согледуваат достигувањата, кои, според него, се исполнети.
Државната програма за превенција и намалување на судирот на интереси 2016-2019 година се очекува да биде донесена на 9 декември, Меѓународниот ден за борба против коруцијата кога и јавно ќе биде промовирана.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат