Работилница за дистрибуција на филм на италијанската режисерка Клаудија Тоси
На Фестивалот за европски филм „Синедејс“ денеска во Младинскиот културен центар од 13 часот ќе се одржи првата од четирите работилници во придружната програма на годинашниот фестивал.
Тема на работилницата е „Јас снимив филм. Никогаш нема да го видите, освен ако....“ и е наменета за дистрибуција на филм. Ќе ја води италијанската режисерка и продуцентка Клаудија Тоси.
Следната работилница на „Синедејс“ е на 14 ноември во МКЦ - мастерклас на српскиот сценарист и режисер Мирослав Момчиловиќ - за промена на планови во еден кадар како вид монтажа.
На 15 ноември на Факултетот за драмски уметности работилница за нарација: „Како може да изградиме цврсти наративи за филмови?“ ќе одржи Саваш Арслан, професор на Факултетот за филмски уметности на Универзитетот Бахчешехир во Истанбул.
Организаторите на „Синедејс“ го издвоија еднодневното предавање за скрининг-техники на снимање аудиции и филмови кое на 18 ноември од 10 часот во МКЦ ќе го одржи познатата кастинг-директорка од САД Ненси Бишоп. Таа работи во Лондон и Прага и има избрано таленти за споредни улоги за стотина проекти, како „Невозможна мисија 4“, „Борновиот идентитет“ и „Ледокршач“.
Претходниот ден, 17 ноември, Ненси Бишоп и новинарката Анила Гајевиќ од Сараево од 19 часот во МКЦ ќе одржат меѓународен маркетинг семинар за актери.
Ново на Сител
-
Детален список: Што поевтини, а кои производи поскапеа со есенската кошничка?
-
Платата во август повисока за 2 евра од јулската
-
Гаши доби кривична пријава од Левица за бранителите
-
ДУИ од утре на средби со граѓани
-
Антикорупциска отвори предмет за назначувањето новиот директор на АНБ, Бојан Христовски
-
230 луѓе останаа без дипломатски пасоши, меѓу нив и претседателот на ФФМ
-
До крајот на месецот средба на мешовитата македонско–бугарска историска комисија
-
Судскиот совет одлучи: Јавен укор за судијката Спировска-Панева