Путин: Руската економија „стабилна“ и покрај „загрижувачката“ инфлација
Рускиот претседател Владимир Путин кој во моментот ја одржува својата традиционална прес-конференција за крајот на годината нагласи дека економската состојба во државата е стабилна.
„Економијата е важна, да почнеме со неа и покрај провокативните прашања“, рече Путин на почетокот, додавајќи дека економската ситуација во земјата е стабилна и дека годинава растот на БДП во Русија може да биде 3,9 или 4 проценти.
Путин потоа додаде дека Русија е пред Европа, а Кина, САД и Индија се пред Москва во однос на економскиот развој. „Еврозоната спие, но тоа не значи дека нема нови економски можности.
Приходите на домаќинствата растат, но имаме некои проблеми со инфлацијата, економијата можеби е загреана и централната банка си постави барање за намалување инфлација“, рече Путин.
Во исто време, приходите на домаќинствата растат над инфлацијата. Генерално, ситуацијата е стабилна и сигурна, тврди Путин.
Економскиот раст во голема мера е резултат на зајакнувањето на суверенитетот, вели тој.
„Некои производители го напуштија рускиот пазар, што доведе до тоа нашите претприемачи сами да почнат да ги произведуваат овие производи. Ова е особено важно за нашата земја“, рече тој.
Ново на Сител
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција
-
78-годишен пешак прегазен во Битола
-
Кривична за гостиварчанез за семејно насилство
-
Совети за очниот притисок и негово регулирање