Путин: Русија произведе вакцина против ебола

Рускиот претседател Владимир Путин соопшти денеска дека научниците од неговата земја развиле вакцина против ебола, вирус од кој починаа илјадници лица во западна Африка.

Путин не го наведе називот на вакцината, како функционира, кој работел на неа, ниту изнесе детали за евентуалното тестирање на вакцината.

- Имаме добри вести. Регистриравме лек против ебола, кој по соодветните тестови се покажа како исклучително ефикасен, поефикасен од лековите кои досега се користеа за таа цел во светот, изјави Путин, пренесува Танјуг.

Досега не постоеше вакцина или лек против ебола кој би бил одобрен за употреба, а Светската здравствена организација наложи забрзано да се работи на осмислување лекови против тој вирус.