Путин пристигна во посета на Турција
Рускиот претседател Владимир Путин пристигна во посета на Турција, каде денеска ќе бидат поставени темелите на нуклеарната централа „Акују“ - првата турска атомска електроцентрала.
АЕЦ „Акују“ ќе биде изградена во близина на пристаништето Мерсин, на брегот на Средоземното Море, а ќе ја гради руската државна компанија Росатом. Електроцентралата ќе се состои од четири блока, со моќност по 1.200 мегавати, а целата инвестиција изнесува 22 милијарди долари.
Анкара денеска ќе биде домаќин и на средбата на Советот за соработка на високо ниво меѓу Русија и Турција.
Во рамки на посетата, Путин утре ќе учествува и на тристраната средба за Сирија, на која ќе учествуваат и претседателите на Турција и Иран Реџеп Тајип Ердоган и Хасан Рохани.
Тие во Анкара ќе разговараат за регионалниот развој и за безбедносната ситуација во Сирија.
Трите држави се гаранти на примирјето во Сирија, договорено во декември 2016 година, од кое произлезе преговарачкиот процес во Астана, наменет за изнаоѓање политичко решение на конфликтот. Тие преговори се водат паралелно со разговорите кои се одржуваат под покровителство на ОН во Женева.
Ново на Сител
-
Сообраќајот се одвива непречено, по претежно суви коловози
-
Свежо утро, топло преку ден, температура до 28 степени
-
Сиљановска Давкова на литургија по повод Мала Богородица во црквата Свети Никола во Њу Џерси
-
Нови детали од тешката сообраќајна несреќа во Србија - Загина петчленото семејство
-
Тежок судир воено и цивилно возило во Србија, две лица загинати
-
Со автомобил тешко повредил жена во Прилеп и побегнал
-
Возач со џип удри во дете на велосипед и тешко го повреди
-
Маж пронајден со повреди во подземна гаража во Скопје, пренесен на лекување на Клиничкиот центар