Путин пристигна во Белград
Рускиот претседател Владимир Путин со задоцнување од час и половина пристигна во Белград со што почна неговата „историска посета“-како што најавија српските медиуми.
Тој со српскиот претседател Александар Вучиќ ќе ја оствари 14-та средба, од кои во Белград ова ќе биде нивна втора меѓусебна средба.
Белград е со досега невидени мерки на безбедност, со околу 7000 припадници на сите безбедоносни служби и околу 250 руски специјалци и три српски мига.
Сообраќајот во Белград е замрен, заварени се шахтите, распоредени се и повеќе снајперисти.
Рускиот претседател се вози низ белградските улици со својот „бункер на тркала“-аурус, еден од најзаштитените и најбезбедни автомобили во светот, специјално допремен од Москва за оваа посета.

Покрај претседателот Владимир Путин, во Белград е и шефот на руската дипломатија, Сергеј Лавров, како и првиот човек на агенцијата за вселенски истражувања, „Роскосмос“, Димитриј Рогозин.Покрај нив, во руската делегација се и повеќе министри, генералниот директор на „Руски железници“, ректори на три поголеми универзитети….
Како што најавено, поладнево во Палата Србија каде ќе се одвива официјалниот дел на посетата ќе бидат потпишани 21 договор, вредни повеќе стотици милион евра, на полето на инфраструктурата, железниците, земјоделието, иновациите, образованието, дигитализацијата, реновирањето на хидроелектраната „Ѓердап 2“ и др.
Централна тема на средбата секако ќе биде Косово и подршка што и ја дава Русија на Србија, можното вклучување на Русија во косовскиот дијалог и воено-политичката неутралност на Србија, во поглед на НАТО.
Рускиот претседател во пресрет на оваа посета за весниците Политика и Вечерни Новости даде интервју во кое се осврна и на Македонија и притисокот кој се врши однадвор за нејзиното зачленување во НАТО, додека шефот на дипломатијата Серегеј Лавров го доведе во прашање легитимитетот на уставните измени во Македонија.
Ново на Сител
-
Приведени четири возачи за возење под дејство на алкохол
-
Нешто помалку од 1.600 хектари изгореле во пожарот во близина на Атина
-
Мицкоски: Почит и слава за хероите од Љуботен
-
На 12 и 14 август полагање на екстерните испити од државната матура во августовската сесија
-
Експресни победи на Синер и Швјонтек на Мастерс турнирот во Синсинати
-
Пораз од Романија за македонските кадетки на ЕП во Црна Гора
-
Странските криминалци осудени во Велика Британија веднаш ќе бидат депортирани
-
Советот за безбедност на ОН свика итна седница поради планот на Израел за окупирање на градот Газа