Путин најави дека Русија во јули ќе почне да распоредува нуклеарно оружје во Белорусија

Русија ќе почне со распоредување тактичко нуклеарно оружје во Белорусија откако постројките ќе бидат готови на 7 и 8 јули, соопшти рускиот претседател Владимир Путин по денешната средба во Сочи со својот белоруски колега Александар Лукашенко.

„Значи, се е според планот, се е стабилно“, навел Путин, според транскриптот од разговорот објавен од Кремљ. „За најчувствителните прашања за кои се договоривме, сè се одвива според планот. Како што знаете, подготовката на соодветните капацитети завршува на 7-8 јули и веднаш ќе започнеме со активности поврзани со распоредување на соодветните типови оружје на вашата територија“, му рекол Путин на Лукашенко, пренесува Анадолија.

Двајцата претседатели веќе го одобрија планот за распоредување руски нуклеарни ракети со краток дострел на територијата на блискиот сојузник на Москва. Оружјето во Белорусија ќе остане под руска команда.