Путин му ја исполни новогодишната желба на малиот Андреј (10) кој боледува од тешка болест, еве што посака тој

Во текот на посетата на Адигеја, рускиот претседател Владимир Путин разговараше по телефон со момчето Андреј Кочетов (10) од Ставропол, на кого му ја исполни новогодишната желба.

Имено, малечкиот Андреј многу сакал да ја посети Красна Полјана и Олимпискиот парк во Сочи.

Штом детето пристигна во зимското одморалиште, рускиот лидер се интересираше дали Андреј добро патувал.

„Здраво Андреј. Како беше? Дали ти се допадна?“, праша претседателот.

Путин потоа го праша и какво е времето и дали има многу снег.

„Сакаш ли да скијаш, ќе го организираме тоа. Ќе ги прашам колегите да договорат“, му вети на детето.

Така Андреј успеа и да скија во Сочи за првпат во животот.

Инаку, на Андреј во 2013 година му беше дијагностицирана тешка болест и иако не може да ужива во се како своите врсници, сепак доби можност убаво да си помине на скијање.