Путин ќе го надмине Сталин за најмногу години на власт по победата на претседателските избори
Досегашниот претседател на Русија Владимир Путин, во услови кога немаше вистинска конкуренција, обезбеди уште шест години на чело на Русија со освоени 87,26 отсто од гласовите од 60,01 отсто преброени ливчиња.
Според податоците објавени од Централната изборна комисија на Русија, на второ место е кандидатот на Комунистичката партија на Руската Федерација, Николај Харитонов, кој според делумните резултати доби 4,18 отсто од гласовите.
Следуваат кандидатот на Партијата на Новиот народ Владислав Даванков, кој освои 3,99 отсто и кандидатот на Либерално-демократската партија на Русија Леонид Слуцки со 3,12 отсто.
Според прелиминарните податоци, одѕивот на гласачите на првите претседателски избори во Русија одржани во текот на три дена - 15, 16 и 17 март, изнесува 74,22 отсто. Во 2018 година, кога гласањето се одржа во еден ден, одѕивот на гласачите беше значително помал - 67,54 отсто. Во 2018 година, 76,69 отсто од гласачите гласаа за Владимир Путин.
Исходот значи дека Путин (71) треба да започне со нов шестгодишен мандат со кој ќе го надмине Јозеф Сталин и ќе стане најдолготрајниот руски лидер во повеќе од 200 години доколку го заврши.
Ново на Сител
-
Еден загинат и 27 повредени во судар меѓу автобус и автомобил кај Инџија
-
Со кран се евакуираат станари од покривот на зградата во Чаир | ВИДЕО
-
Повреден пожарникар при гаснење на пожарот Чаир
-
СДСМ: Намалена просечната плата за 1.000 денари
-
МНР и НТ со осуда за иранскиот ракетен напад врз Израел и терористичкиот напад во Тел Авив
-
Гори зграда во Чаир, неколкумина повредени и евакуирани над 100 станари
-
Во Берово најстудено, температура под нулата
-
Струмичани ќе добиваат вода за пиење од апарати и канистри поставени низ градот