Путин: Искуството за работа од дома ќе биде потребно и по пандемијата
Искуството за работа од дома ќе биде потребно и по завршувањето на пандемијата, изјави денеска рускиот претседател Владимир Путин.
– Денеска многу се работи од далечина, рече Путин, додавајќи дека кога ќе се започне со нормална деловна активност, ова искуство без сомнение ќе биде многу корисно и потребно, пренесе ТАСС.
Обраќајќи се на видео-конференција за рускиот пазар на труд, Путин рече дека тоа мора да се користи „затоа што сите знаеме дека таков формат на работа е соодветен и корисен“.
Според него, ова првенствено се однесува на младите мајки, инвалидите и жителите на мали градови каде што изборот на работни места не е толку голем како кај мегалополите.
– И воопшто, експертите велат дека економијата на иднината, која се заснова на бројки, генерално ќе биде организирана на таков начин што многумина ќе работат од далечина, вклучително и работа од дома, рече Путин.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден