Путин и Ердоган телефонски разговараа за сириската криза

Претседателите на Турција и Русија, Реџеп Тајип Ердоган и Владимир Путин, се договорија да ја засилат меѓусебната воена координација во текот на операциите против Исламска држава во Сирија, соопшти Кремљ, пренесе ТАСС.

Путин и Ердоган ја потврдија подготвеноста за активна соработка на натамошниот развој на преговарачкиот процес од Астана и Женева за надминување на сириската криза.

Двајцата претседатели ја разгледаа и подготовката за седницата во март на руско-турскиот Совет за соработка на високо ниво.