Путин: Експлозијата во Санкт Петербург е терористички акт

Рускиот претседател Владимир Путин изјави дека вчерашната експлозија на рачно изработена бомба во супермаркет во Санкт Петербург, при што беа повредени 13 лица, е терористички акт.

- Во Санкт Петербург вчера беше извршен терористички акт, изјави Путин на церемонија во Кремљ, на која се врачени одликувања на руски војници кои учествувале во сириската операција.

Тој истакна дека му наредил на шефот на Фередалната служба за безбедност при апсење на криминалците да се почитува законот, „но доколку живот и здравјето на нашите припадници на безбедносните сили биде загрозен, тогаш да се дејствува решително, да не се држат никакви заробеници, туку веднаш да бидат ликвидирани терористите“