Пуштено во употреба реконструраното училиште во село Канино

Градоначалникот на општина Битола Владимир Талески денеска го пушти во употреба реконструираното подрачно училиште во селото Канино во кое годинава ќе учат 11 ученици.

За обнова на училиштето, општина Битола вложи 1,5 милиони денари со што се создадоа услови за непречена настава на учениците од прво до петто одделение.

- Најважно е да се вложи во знаење и затоа се обидуваме со сите сили и капацитети на сите ученици да им овозможиме максимални услови за напречен образовен процес, истакна Талески, кој го посети и основното училиште „Св.Климент Охридски“ од Битола каде годинава се запишаа 120 првачиња.