Пукање во близина на училиште во Косово

Синоќа непознати лица пукале од огнено оружје во близина на училишниот двор на основното училиште „Угљаре“ во Угљаре, изјави за „Косово онлајн“ Братислав Трајковиќ, командир на полициската станица во Грачаница.

Дека пукањето се случило потврди и претседателот на привременото тело на општина Косово Поле, Александар Трајковиќ, кој рече дека биле пронајдени две чаури, а во тој момент имало деца во училишниот двор.

Како што јавуваат медиумите синоќа околу 22 часот и 45 минути имало пукање во близина на училишниот двор на ОУ „Угљаре“ во Угљаре кај Косово Поле, а како што изјави за тамошните медиуми командантот Трајковиќ, по добиена пријава, полицијата излегла на лице место и извршила увид. Како што наведуваат медиумите пукањето било извршено од засега непознати сторители од автомобил во движење и нема повредени.