Пуџдемон од Фландрија почна кампања за каталонските избори
Сменетиот каталонски лидер Карлес Пуџдемон денеска од Белгија започна кампања за каталонските избори закажани за 21 декември.
- Дали ќе ги прифатите изборните резултати на 21 декември ако победат тие кои се залагаат за независност? Дали ветувате дека ќе се откажете од директна контрола над каталонската влада ако тоа биде резултатот, упати прашања Пуџдемон до официјална Шпанија и ЕУ, зборувајќи пред своите приврзаници во Осткамп, во близина на Бриж, Фландрија.
Тој ја претстави листата на своите кандидати и истакна дека декемвриските избори се најважни во историјата на Каталонија.
Пуџдемон на почетокот на овој месец избега во Белгија, откако Шпанија распиша потерница по него и неговите соработници поради поттикнување бунтови во Каталонија.
Според најновите анкети, се очекува на претстојните избори да победат партииите кои се залагаат за независност на Каталонија.
Белгискиот суд му гарантираше условно ослободување на Пуџдемон, но му забрани да ја напушти Белгија без одобрување од судија.
Ново на Сител
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците