Пуџдемон и четворица поранешни каталонски министри се условно ослободени
Белгиски истражен судија условно ги ослободи поранешниот каталонски лидер Карлес Пуџдемон и четворица министри од неговата сменета влада.
Барањето, кое во текот на вчерашниот ден го поднесе обвинителството во Брисел, за времено ослободување на бараните лица, го издаде истражен судија, соопшти канцеларијата на обвинителот.
Тие мораат да остават адреса на која се наоѓаат и да се јавуваат на сите судски и полициски повици. На таа одлука не може да се поднесе жалба, пишува во соопштението.
Пуџдемон не смее да ја напушти Белгија и мора да се јавува на суд во следните 15 денови, објавија западните медиуми.
Тој и четворицата поранешни министри се сослушувани повеќе од 10 часа, соопшти претходно белгиската ВРТ телевизија.
Како што се наведува, судијата одлучил да одобри условно ослободување на петмината поранешни каталонски функционери се до судската одлука дали да се спроведе европскиот налог за апсење, издаден од Шпанија.
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции