ПСЖ го пушти Луиз да се врати во Челзи

Бразилецот Давид Луиз се враќа во Челзи, откако лондонскиот тим се согласил на ПСЖ да му плати 35 милиони фунти.

 

Луиз (29) пред две сезони од Челзи за сума од 50 милиони фунти се пресели во редовите на францускиот шампион, со кого освои девет трофеи. Бразилецот претходно од Бенфика дојде на „Стенфорд Бриџ“ и со Челзи во 2012 година ја освои Лигата на шампионите, а една година подоцна и Лига Европа.

 

Прашање е само колку од овој трансфер ќе биде задоволен менаџерот на „сините“ Антонио Конте, бидејќи добро упатени извори коментираат дека бразилскиот дефанзивец не е негов избор, туку избор на Марина Граноскаја и Мајкл Еменал.

 

Ниту еден од дефанзивците кои беа на списокот на Конте, раководството на Челзи не успеа да ги донесе, станува збор за Бонучи, Стоунс, Кулибали и Максимовиќ.

 

Од друга страна, Луиз веднаш се согласил да се врати во Лондон, откако му станало јасно дека Тијаго Силва и Маркињос ќе имаат предност кај тренерот Унаи Емери.