ПСС Рејсинг со трофеј освоен од Џиролами ја стартува новата сезона
Возачот на ПСС Рејсинг, Франко Џиролами освои трето место на првенството на Европа за возила со ТЦР хомологација, и на македонскиот тим по втор пат на отворањето на сезоната му носи трофеј во првиот Гран при викенд одржан во Словачка.
Минатата сезона, неговиот постар брат, афирмираниот победник на трка од светското првенство, Нестор Џиролами, во услови кога на Давидовски не му беше дозволен влез во Франција за трката од ТЦР Европа, со неговиот автомобил освои второ местол на патеката „Пол Рикар“, во близина на Марсеј, на југот од Франција.
Дека успехот на Франко Џиролами е за почит, говорат фактите: во втората трка победи актуелниот шампион и бранител на тронот, Меди Бенани, додека второто место го освои шампионот од 2018 година (и победник на првата трка викендов), Микел Аскона.
– Ова беше фантастична трка, а јас навистина уживав во целиот гран при викенд. Мошне сум благодарен на „ПСС Рејсинг“ и на „ЈАС Моторспорт“ за нивната поддршка и што ми ја овозможија оваа шанса да го освојам овој фантастичен резултат. Ова ќе не остави во игра за следната трка, која се надевам дека ќе биде уште подобра за нас,- сублимираше Џиролами.
Следниот гран при викенд ќе се случи во последниот викенд овој месец, поточно на 29 и 30 мај, кога се возат двете трки на патеката „Пол Рикар“ во Франција.
Ново на Сител
-
Во Велес до 13 часот излезноста е 30,08 за претседателски и 30,57 за парламентарни
-
Кавадарци со близу 30 отсто излезност до 13 часот
-
Во Крушево до 13 часот излезноста е над 34 проценти, а во Долнени двојно помала
-
Излезноста до 13 часот за претседателски избори е 23,95% , за парламентарни 25,84
-
Јавното обвинителство поднесе пријава за поткуп во Велес за две лица
-
Поставен штанд на партија во Шуто Оризари, расфрлани летоци во Чаир, агитирање...
-
ОДИХР со над 300 набљудувачи на гласачките места низ земјава, заклучоците ќе ги соопшти утре
-
До 11 часот во Прилеп гласале 18,09 за претседателските, 18,19 за парламентарни