Првпат ниту еден новозаразен од Ковид-19 во Косово
Во Косово вчера не е регистриран ниту еден нов случај на заразен од новиот коронавирус по извршените 138 тестирања, додека истиот ден се потврдени четири случаи на лица кои ја пребродиле болеста и ниту еден починат.
Според соопштението на Институтот за јавно здравство на Косово (ИШПК), објавено синоќа, ова е првпат во едно деноноќие да нема ниту еден официјално потврден случај на заболен од Ковид-19, откако на 13 март беа откриени првите две лица носители на новиот коронавирус.
Согласно последните податоци, бројот на лица кои имале позитивни резултати на тестирањата од почетокот на пандемијата останува 1.032, додека вклучително вчерашните четири, според методите на Светската здравствена организација, бројот на излекувани достигна 789. Починати од новиот коронавирус се 29 лица, од кои последниот случај беше на 12 мај.
Во Косово моментно официјално како активни случаи на заболени од Ковид-19 се водат 214 лица.
Во лабораторијата за микробилогоија на ИШПК досега се извршени вкупно 13.262 тестирања на лица за кои постоело сомневање дека се носители на новиот вирус.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд