Првата јавна куќа со роботи-проститутки е преплавена со барања за силување и педофилија

Откако во Барселона е отворена првата јавна куќа со роботи-проститутки, нејзиниот сопственик Серџи Прието е преплавен со болни барања од клиенти кои сакаат роботите да им овозможат исполнување на фантазиите за силување или секс со деца. 

Прието тврди дека во неговата јавна куќа може да биде исполнета секоја сексуална фантазија, бидејќи роботите-проститутки можат да се програмираат на сите можни начини. 

На почетокот клиентите најмногу барале „покорни“ секс роботи, но наскоро од сите страни на светот почнале да пристигнуваат барања за симулација на силување и секс со деца, односно роботи кои наликуваат на што е можно помлади деца. 

Прието нагласи дека морал да ги одбие тие барања. 

Некои произведувачи на секс-роботи тврдат дека педофилите треба да ги користат за да не напаѓаат деца. 

Оваа идеја ја одби професорот Ноел Шаркеј, барајќи во Обединетото Кралство да биде забранета продажбата на роботи кои наликуваат на деца бидејќи смета дека користењето на истите ја зголемува желбата на педофилите за силување на деца. 

Локацијата на јавната куќа е тајна и се открива дури откако муштериите ќе платат за да користат некој од роботите. 

Судејќи по многубројните резервации, за клиентите цената за секс со робот од 127 долари е вистинска ситница.