Прва лига: Силекс ја совлада Шкендија

Фудбалерите на Силекс остварија победа од 3:1 на дуелот на домашен терен со Шкендија во еден од трите денеска одиграни натпревари од 17.коло од Првата лига.

 

Сите голови на дуелот во Кратово беа постигнати во вториот дел, а тогаш беа покажани и два црвени картони (по еден за двете екипи). Шкендија е без победа на четири натпревари во серија.

 

Екипата на Шкупи на домашен терен на стадинот „Чаир“ со убедливи 5:0 го совлада Младост Царев Двор, додека победа од 2:0 оствари Хоризонт Турново над Брегалница.

 

Поради лошите временски услови (густа магла) одложен е дуелот меѓу Ренова и Металург.

 

Вчера во дербито на колото во Велес Работнички и Вардар одиграа нерешено 1:1.

 

Табела: Вардар 40 бодови, Шкендија 35, Силекс 26, Шкупи 24, Работнички 23, Хоризонт Турново 20, Ренова 17, Брегалница 16, Младост Царев Двор 13, Металург 12.