Прскање против комарци денеска и утре во Кичево

Оваа операција ќе се изведува во текот на ноќните часови, почнувајќи од 20 часот, па се до раните утрински часови. Ова е прва систематска дезинсекција во Општина Кичево спроведена летово.

 

Согласно Законот за заштита на населението од заразни болести, Општина Кичево во овие два дена ќе спроведе превентивна систематска дезинсекција на целата територија на општината. Поради оваа операција се информираат пчеларите да ги заштитат пчелните семејства.

 

– Доколку временските услови бидат непогодни, дезинсекцијата ќе се спроведе наредните два дена. Пред еден месец, на територијата на нашата општина спроведовме и ларвицидна дезинсекција, како и дератизација на канализациските шахти, информира Лирим Садику од секторот за односи со јавноста во Општина Кичево.