Протести во Венецуела поради недостиг на свинско месо
Стотици жители на главниот град на Венецуела, Каракас, протестираа денеска незадоволни од недостигот на свинско месо за традиционалнaтa божиќнa прославa.
Венецуела се соочува со недостиг на храна како резултат на долгогодишната економска криза, предизвикана од падот на цената на нафтата, но и од левичарските реформи на претседателот Николас Мадуро и неговиот претходник Уго Чавез кои доведоа до хиперинфлација и економски колапс.
Мадуро неодамна вети дека кризата е при крај и дека овој Божиќ властите ќе обезбедат доволно свинско за традиционалните специјалитети халака и пернил.
Но, откако продавниците останаа празни во пресрет на Божиќ, протести вчера се одржаа во повеќе делови на Каракас, а дел од нив продолжијат и денеска. Демонстрантите палеа ѓубре и го блокираат сообраќајот.
За недостигот Мадуро ја обвини Португалија, која, според него, не ја испорачала договорената пратка свинско месо.
Португалската Влада демантираше дека е виновна и ја упати Венецуела да ги регулира своите односи со компанијата со која договарала набавка на месо.
Ново на Сител
-
Обработени 93,30% од гласовите - ВМРО-ДПМНЕ 59, СДСМ 18, Левица 6, ЗНАМ 5 мандати
-
Мицкоски: Поразен е бојкотот на ДУИ, време е да одат со СДСМ во опозиција
-
ДИК: Обработени 90,40% од гласовите - ВМРО-ДПМНЕ 390.345, СДСМ 136.748
-
Ковачевски: На СДСМ му е зададен тежок удар
-
ДИК: Силјановска Давкова со повеќе од двојна предност пред Пендаровски
-
Димитриевски: Повеќе нема да живееме во црно-сив свет, честитам на Силјановска Давкова и ВМРО-ДПМНЕ
-
Силјановска Давкова: Наградата е непроценлива за мене
-
Обработени 82,38% од гласовите - ВМРО-ДПМНЕ 59 мандати, СДСМ 18, Левица 6, ЗНАМ 5 мандати