Протести во Турција по смена на тројца градоначалници, 30 приведени
Турската полиција употреби водени топови за да ги растера демонстрантите кои протестираа против одлуката на Владата да смени тројца градоначалници од југоисточниот дел на земјата, каде живеат претежно Крди, објавија турските медиуми.
Агенцијата ДХА јави дека најмалку 30 лица се приведени денеска во Дијарбакир, на третиот ден од протестите.
Владата ги смени градоначалниците на Дијарбакир, Мардин и Ван поради наводни врски со Работничката партија на Курдистан, која турските власти ја сметаат за терористичка организација.
Сменетите градоначалници, членови на прокурдската Народна демократска партија, се избрани на локалните избори во март. На нивни места се поставени државни гувернери.
Тројцата градоначалници се обвинети за разни кривични дела, меѓу кои и членство во терористичка организација и ширење терористички пропаганди, соопшти претходно Министерството за внатрешни работи.
Турскиот претседател Реџеп Тајип Ердоган, во пресрет на изборите во март, предупреди дека прокурдски градоначалници можат да бидат отпуштени доколку, како и нивните претходници, наводно имаат врски со екстремистите.
Ново на Сител
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце
-
Засилени царински патроли на Охридско Езеро: Целосна контрола на пловните објекти за спречување криминал и избегнување на давачки
-
ЈП Водовод и канализација – Скопје: Повторно енормно зголемена и неконтролирана потрошувачка на водата
-
УХМР: Денеска до 43, од утре и следната недела пониски температури, нестабилност со пороен дожд и грмежи