Протести во Русија, стотина уапсени во Владивосток

 Околу сто лица се приведени на денешните недозволени протести на приврзаниците на опозицискиот лидер Алексеј Навални во Владивосток.

Во Екатеринбург, во регионот Свердловск, околу 2.300 луѓе се собраа на протестите, соопшти регионалното Министерство за внатрешни работи.

Како што пренесе агенцијата ТАСС, полицијата во Москва приведе едно лице кое јавно ги повикуваше граѓаните преку социјалните мрежи да демонстрираат и да се судрат со припадниците на безбедносните сили.

Во сибирските градови Краснојарск, Барнаул и Новосибирск беа приведени повеќе од десетина демонстранти.