Проштална средба на началникот на ГШ со одбранбеното аташе на Полска

Началникот на Генералштабот на АРМ генерал-потполковник Методија Величковски денеска оствари проштална средба со потполковник Адам Зугај, одбранбено аташе на Република Полска во Македонија.

На средбата, како што информира прес-службата на Министерството за одбрана, генерал Величковски упатил благодарност до потполковникот Зугај, истакнувајќи го неговиот придонес во продолжувањето на билатерална соработка меѓу АРМ и Вооружените сили на Република Полска, која се развива на повеќе полиња и во измината година се движи во нагорна линија.

Средбата е искористена за запознавање на началникот на ГШ на АРМ со новото одбранбено аташе на Република Полска полковник Силвестер Шулц, кој во наредниот период ќе ја извршува оваа должност.