Проштална средба на Џафери со шпанскиот амбасадор Сера
Претседателот на Собранието на Република Севера Македонија, Талат Џафери, денеска оствари проштална средба со амбасадорот на Кралството Шпанија во земјава, Емилио Лоренцо Сера.
Џафери, како што соопшти собраниската прес-служба, изразил благодарност за досегашниот ангажман на почитуваниот амбасадор, воедно посакувајќи му успех на личен и професионален план во неговите идни институционални должности.
-Тој ги поздрави континуираните и пријателски билатерални односи и соработка меѓу двете земји, кои за жал, заради пандемијата предизвикана од вирусот Ковид-19 не ја задржаа предвидената динамика. Џафери нагласи дека во иднина, од аспект на парламентарните односи, очекува поблиска соработка со шпанскиот парламент, а се разбира и соработка во сите други области од взаемен интерес за двете земји, се вели во соопштението.
Амбасадорот Сера, исто така, потврдил дека пандемијата имала влијание врз интензитетот на меѓусебната билатерална комуникација.
-Во продолжение, тој изрази благодарност за поддршката што Република Македонија и ја дава на Владата на Кралството Шпанија во контекст на зачувувањето на нејзиниот територијален интегритет и суверенитет, преку почитување на Уставот и законите, како темелни принципи на правната држава. Амбасадорот Сера ја поздрави функционалноста на Собранието и застапеноста на различните политички партии кои, иако имаат различни гледишта по одредени прашања, сепак се конструктивни во своето делување, се наведува во соопштението од собраниската прес-служба.
Тој ја повторил поддршката на Кралството Шпанија за процесот на интеграција на Република Македонија во Европската унија.
Ново на Сител
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија