Пронајдено малолетното девојче од кочанско Оризари што беше пријавено за исчезнато
Среќен крај за семејството Николови има потрагата по нивната 15-годишна ќерка Наташа од кочанско Оризари, која во полицијата беше пријавена како исчезната.
Ноќеска пред полноќ таа се вратила во својот дом, по што е прекината акцијата за нејзино пронаоѓање, во која освен роднините и други граѓани, беа вклучени и дел од институциите.
– Ноќеска по 23 часот девојчето си дојде само, во релативно добра здравствена состојба, физички исцрпено, но без видливи траги на насилство или малтретирање. Сепак, поради неопходното закрепнување, во болницата во Кочани ја добива потребната лекарска грижа. Во име на смејството сакам да се заблагодарам на сите кои се вклучија и помогнаа во потрагата и вакви случаи воопшто да нема, истакна Драги Серафимов, роднина на исчезнатото девојче.
Од Локалната самоуправа на Кочани информираа дека во координација со водостопанската подружница „Брегалница“ од Кочани вчера попладне била запрена водата во десниот магистрален канал, за да се истражува по целата негова должина. Центарот за управување со кризи и Министерството за внатрешни работи најавиле дека ќе испратат стотина припадници од специјалните единици за да се вклучат во потрагата, но рано утрово активностите се прекинати.
Се очекува во текот на денот полицијата да ја заврши истрагата и да излезе со официјално соопштение за случајот.
Ново на Сител
-
Четворица астронаути се вратија на Земјата по пет месеци поминати на Меѓународната вселенска станица
-
На ГП Табановце за влез и излез од државата се чека околу 40 минути
-
Жител од Трубарево осомничен за загрозување на безбедноста во сообраќајот
-
Студија: Врската на човекот со природата се намалила за 60 проценти во изминатите 200 години
-
Апел од ЈП Водовод и канализација скопјани рационално и внимателно да ја користат водата
-
Бугарски државјанин исчезнал при нуркање на длабочина од 89 метри во водите на Охридското Езеро
-
Претседателот на Собранието ги распиша локалните избори на 19 октомври
-
18-годишник со мопед удрил во паркирано возило, тешко повредена неговата малолетна сопатничка