Пронајдено безживотно тело во Вардар кај село Уланци

Екипа на Територијалната противпожарна единица  во Велес вчера  извадила безживотно тело од водите на Вардар кај село Уланци во општина Градско, по дојава што ја примиле попладнето, во 14:30 часот.

Трупот е предаден на надлежните служби. 

Информацијата ја потврди Цветанка Богоевска, јавна обвинителка на ОЈО Велес, која што информира  дека биле преземени истражни мерки, меѓу кои и за утврдување на идентитетот на трупот со обдукција во Институтот за судска медицина во Скопје.

МИА