Пронајдена најстарата порака во шише на светот- напишана е на германски, а фрлена пред 132 години
На западниот австралиски брег е пронајдена можеби најстарата порака во шише. Напишана е на германски, а била фрлена во Индискиот Океан пред 132 години.
Шишето го пронашла Австралијанката Тоња Илман на островот Веџ, што се наоѓа 180 километри северно од Перт.
– (Шишето) беше прекрасно, па го зедов за да ми ги краси полиците, меѓу книгите. Случајно го видовме писмото, кое беше целото влажно, замотано и врзано со конец. Пораката е напишана на германски, со прилично блед ракопис. Датумот гласи: 12 јуни 1886 година, раскажува Тоња.
Стручните лица од Западноавстралискиот музеј утврдиле дека пораката е фрлена од германски брод, во рамки на експеримент на Германската морнаричка опсерваторија, со цел – проучување на морските струи, заради побрзо и поефикасно морепловство.
Ново на Сител
-
Тема на денот со Џевдет Хајредини
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај