Пронајден починат мажот кој вчера пукаше во својата невенчана сопруга

На 26.01.2023 во 07.47 часот во СВР Велес, од Итна медицинска помош Велес било пријавено дека кај нив била донесена 25-годишна жена со повреди на телото и прострелна рана од огнено оружје нанесени од нејзиниот невенчан сопруг З.Т.(38), по што била пренесена во Ургентен центар при Комплексот клиники „Мајка Тереза“ во Скопје.

По преземени мерки, полициски службеници го пронашле З.Т. во стан на ул.„Андон Шурков“ во Велес со прострелна рана од огнено оружје. Екипа од Итна медицинска помош Велес констатирала смрт, а по наредба на Јавен обвинител, телото на починатиот било дадено на обдукција. Увид извршила екипа од СВР Велес.