Промовиран романот „Златко-Златец“ од Велко Неделковски
Романот „Златко-Златец“ од Велко Неделковски денеска беше промовиран во Градската библиотека „Браќа Миладиновци“. Авторот е добитник на наградата „Ванчо Николески“ на Друштвото на писателите на Македонија за најдобра книга за деца и млади за 2015 година.
Ова е 20 книга на Неделковски, а издавач е „Антолог“ од Скопје.
За новиот роман на Неделковски зборуваше универзитетска професорка Весна Мојсова-Чепишевска, која истакна дека во интервал од 40 години творештво посветено на децата и младите, од неговата прва збирка раскази „Леб за тате“(1975), до книгата „Златко-Златец“, (2015) се случуваат 20 книги потпишани од него.
- Книгата „Златко-Златец“ е организирана како серија од четири мини романи, а времето во приказните е распослано низ четири месеци, од август до ноември, рече Мојсова-Чепишевска.
Главен лик во книгата е деветгодишно момче Златко и неговото семејство. Опишани се авантурите на Златко и другарите Мишко, Марче, Горан и Зоран и со другарките Летка, Снеже, Маринока и Јана. Во романот се третираат темите-потребата за домашно милениче во семејствата со едно дете, другарството, првата љубов, жедта за аплауз и популарност...
- Приказните за Златко-Златец стрелаат директно во детското срце, потенцира Мојсова-Чепишевска.
Актерот Томе Витанов потсети на животот и делото на авторот и читаше извадоци од романот „Златко-Златец“.
На промоцијата присуствуваа и учениците од основното училиште „Војдан Чернодрински“ од Скопје, кои се дружеа со писателот и му поставуваа прашања за неговото творештво.
Велко Неделковски е македонски раскажувач, романсиер, драмски писател, поет и сценарист. Напишал и објавил голем број книги за најмладите читатели.
Ново на Сител
-
Бајден изјави дека САД работат на тоа да им се овозможи на раселените жители од северен Израел да се вратат дома
-
Шефот на ИДФ вети дека војската ќе стигне до секој што им се заканува на израелските цивили
-
Николоски на средби со министри за транспорт на ЕУ ја презентираше инвестициската програма на Владата
-
Тошковски: Се надевам дека ќе нема настани кои ќе подгреваат тензии, ако има соодветно ќе одговориме
-
Тошковски: Фокусирани сме на функционален систем за следење на сообраќајот со камери
-
Жена физички нападнала вработен во општина Кочани
-
Гостиварец се заканувал на сопругата, на нејзината мајка и на ќерката
-
Маж се соблекувал пред малолетници