Промоција на збирката „Зборовите немаат значење“ од Биљана Стојановска
Поетската збирка „Зборовите немаат значење“ на Биљана Стојановска, ќе биде промовирана вечерва во Младинскиот културен центар, во рамки на настанот „Македонска поддршка“, како дел од „БукСтар“, првиот фестивал на европската литература во Македонија.
Збирката во издание на „Антолог“, е дебитантската книга на младата поетеса и новинарка Биљана Стојановска. Промотивна реч на настанот ќе одржи реномираниот поет од помладата генерација Никола Маџиров, кој е еден од рецензентите на книгата. Делови од поезијата ќе читаат писателите Владимир Мартиновски, Ѓоко Здравески, Ана Голејшка и Николина Андова-Шопова, а за музичкиот дел е задолжен Јаков Дренковски.
- Поезијата на Биљана Стојановска е длабок допир со ритуалноста на денот. Обичноста на објектите и нивната конкретна и вербална поврзаност со мигот и со телото на оној што пишува го исцртуваат топлиот амбиент на присуството на една широка љубов, љубов што живее во делбата пред да стане разделба и во припомнувањето пред да стане помнење, вели за поезијата на Биљана Стојановска рецензентот Маџиров.
Според рецензентот Ѓоко Здравески, збирката е сериозна книга од млад автор што многу ветува, а ваквите книги се вистинска реткост во македонската книжевна продукција.
- Треба да се има луцидност да се созерцне во секојдневјето, кое по својата природа е банално, и од него да се создаде мудрост, вели Здравески.
На промоцијата во фоајето на киното „Фросина“ при МКЦ, ќе присуствува авторката, а збирката ќе се продава по промотивна цена.
Фестивалот „Букстар“ е поддржан од програмата „Културни приказни“ и од Европската Унија. Логистичката поддршка е на МКЦ.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција