Промоција на српското издание на стихозборката „Јазичен триптихон“ на Славе Ѓорѓо Димоски во Белград

Викендов во рамки на Меѓународниот саем на книгата во Белград ќе биде промовирана книгата „Јазичен триптихон“ на охридскиот поет Славе Ѓорѓо Димоски, препеана на српски јазик од Душко Новаковиќ.

Промоцијата на авторското дело на Димоски е закажано за в сабота од 14 часот, на штандот на издавачката куќа „Архипелаг“, додека промотори се Душко Новаковиќ и Гојко Божовиќ.

„Јазичен триптихон“ минатата година ја доби наградата „Ацо Шопов“, а наскоро ќе биде објавено и нејзиното бугарско, како и италијанско издание.

Инаку ова е четвртата книга на Димоски препеана на српски јазик. Претходно своите српски изданија ги имаа уште и неговите книги „Мерач на зборовите“ (Мерач речи), „Поле. Бојно поле?“ (Поље. Бојно поље?) и „Блиска врска“ (Блиска веза).