Промоција на „Несвети, а свети“ од епископот Јегоревски, г. Тихон во НУБ
Книгата „Несвети, а свети“ од епископот Јегоревски, г. Тихон (Шевкунов), викар на патријархот Московски и на цела Русија, г. Кирил ќе биде промовирана денеска во Националната и универзитетска библиотека „Св. Климент Охридски“ во Скопје.
Воведен збор ќе има директорот на НУБ „Св. Климент Охридски“, Иван К. Заров, а промотор на изданието (превод) на современ македонски јазик ќе биде проф. д-р Ѓоко Ѓорѓевски, декан на Православниот богословски факултет „Св. Климент Охридски“ во Скопје. Најавено е и обраќање на епископот Тихон.
Во рамки на настанот ќе се одржи мал концерт на духовна музика со настап на хорот на Македонската православна црква и на Галина Георгиева. Исто така, посетителите ќе имаат можност да ја разгледаат изложбата посветена на историјата на Руската патријаршија, подготвена за овој повод.
Епископот егорјевски Тихон (Шевкунов) е истакнат претставник на Руската православна црква и викар на московскиот патријарх, г.г. Кирил, и на цела Русија. Покрај тоа, тој е претседател на Советот за култура при патријархот, широко познат теолог, писател и филмски режисер.
Во рамки на посетата на Република Македонија, епископот Тихон вчера во Охрид се сретна со претседателот Ѓорге Иванов.
Ново на Сител
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста