Промоција на книгата „Царка ветерка“ од Љубинка Донева

Во мултимедијалниот културен центар „Матица екслузив“ денеска ќе биде промовирана книгата за деца и младинци „Царка ветерка“ од Љубинка Донева.

За најновото издание на издавачката куќа „Панили“ ќе зборува проф.д-р Виолета Димова.

„Царка ветерка“ е четиво што се чита во еден здив, се констатира во препораката на ова издание. Авторката влегува во тајните на децата и на оригинален начин, духовито и креативно им доближува на читателите еден интересен свет во кој младите со љубопитство можат да учат за силата на љубовта и добрината, за слободата и мислењето и за се она што влијае во оформувањето на една здрава, млада личност.