Промоција на ЕУ проектот за слобода на медиумите

Делегацијата на Европската унија во Скопје денеска ќе го промовира тригодишниот проект „Мрежа на новинари за слобода на медиумите“, финансиски поддржан со 200.000 евра.

Проектот, до јануари 2019, ќе го имплементира Здружението на новинари на Македонија, а целта е поттикнување и развој на поволна средина за правата на новинарите и подобрување на известувањето согласно со професионалните и етичките стандарди.

На промоцијата ќе се обратат евроамбасадорот Аиво Орав и претседателот на Здружението на новинари на Македонија Насер Селмани.