Променливо облачно со повремен локален дожд

Времето во Македонија ќе биде променливо облачно со повремен локален дожд, почест во западните и северните делови. Попладне ќе има почести сончеви периоди. Преку денот ќе дува умерен северозападен ветер кој долж Повардарието ќе биде повремено со посилен интензитет.

Утринската температура ќе се движи од пет до 11, а дневната од 12 до 19 степени.

Во Скопје претпладне претежно облачно со повремен дожд, а попладне облачноста ќе се намали и ќе има сончеви периоди. Ќе дува умерен, повремено засилен северозападен ветер.

Утринската температура ќе се спушти до околу осум, а дневната ќе достигне до 15 степени.

Во наредните денови ќе преовладува променливо облачно време, повремено со сончеви периоди, а во попладневните часови со локален дожд и услови за ретка појава на грмежи. До четврток ќе дува умерен повремено засилен северен ветер. Дневните температури ќе бидат во постепен пораст.