Пролетна еко акција во Општина Карпош

Општина Карпош и оваа година ја спроведе традиционалната сезонска акција на масовно чистење на сметот во пресрет на доаѓањето на пролетта. Акцијата ја спроведоа комуналните хигиеничари и вработените во Општина Карпош.

Градоначалникот на Општината Стевчо Јакимовски рече дека со постепеното затоплување на времето, снегот се топи, и останува ѓубре, хартија и друг вид на отпадоци кои влијаат штетно врз животната средина и кој мора да се отсранат.

Првиот човек на Општината, ги повика граѓаните, веќе на пролет, да ги изнесуваат непотребните предмети, и дотраени апарати за домаќинство, и со помош на Општина Карпош, истите да бидат однесени на соодветно место, т.е на депонија, предвидена за смет и ѓубре.

Јакимовски ја поздрави акцијата на индивидуалните граѓани за посадување на дрвја во населбата Карпош 4, но нагласи дека во изминатите четири години, локалната самоуправа засадила вкупно 10.280 дрвца и садници, или симболично секое семејство во Карпош 4 има свое дрво.