Продолжуваат меѓупартиските разговори за отворените прашања
Претставници на четирите партии потписнички на Договорот од Пржино попладнево во резиденцијата на ЕУ во Скопје одржуваат нова средба во обид да ги надминат несогласувањата што го попречуваат решавањето на политичката криза.
На средбата учествуваат Никола Тодоров од ВМРО-ДПМНЕ, Радмила Шекеринска од СДСМ, Артан Груби од ДУИ и Имер Алиу од ДПА, а присуствуваат и амбасадорите на ЕУ и на САД, Аиво Орав и Џес Бејли.
Евроамбасадорот Орав по вчерашната рунда разговори во резиденцијата на ЕУ во Пржино, изјави дека договор се уште нема, но има одреден напредок и оти се надева дека на денешната средба ќе биде постигнато повеќе. Информира дека партиските преставници побарале дополнително време за консултации со раководставата на партиите.
На брз договор и надминување на политичката криза, вчера во Скопје повика помошникот-државен секретар на САД за Европа и Евроазија Викторија Нуланд. По средбите со лидерите на ВМРО-ДПМНЕ, на СДСМ, на ДУИ и на ДПА, Нуланд порача дека е потребно целосно да се спроведе Договорот од Пржино и што поскоро, во наредните денови, да се постигне договор за одржување избори со цел излегување од политичката криза во која се наоѓа Македонија.
Ново на Сител
-
Полицијата ја врати разрешената директорка од Демир Хисар од информативен разговор, не ја викнале денес
-
Мицкоски е подготвен да плати „политичка цена“ со непопулистички мерки против поскапувањето на храната
-
Македонија има визија за Вештачка интелигенција, но само декларативно
-
Алиу тврди дека одлуката за одземање на ингеренциите за лиценци на Стоматолошката комора е аргументирана
-
Хронично болни и онколошки пациенти меѓу вработените во Флораком кои два месеца немаат плата и здравство
-
СДСМ: Нов скандал во националната агенција Еразмус
-
Манасиевски: Политичкиот прогон на Заев, Спасовски и Ахмети заврши
-
Пуштено во употреба реконструирано одделение на Урологија