-->
-->
Продолжува активноста на кампот Лазаров, преку „школата за ракомет“
-->
По успешно организирано трето издание на ракометниот камп „Кирил Лазаров 7“, капитенот на националниот тим и најдобар македонски спортист, Кирил Лазаров, со почетокот на школската година го стартуваше проектот „школа за ракомет“ низ целата држава.
Идејата за отварање на школата и претходно ја најави Лазаров и е насочена да му овозможи на секое дете во Македонија, без разлика дали живее во урбана или рурална средина да има можност да тренира ракомет и да се занимава со спортски активности, а како крајна цел формирање врвни спортисти и личности.
- „Сакам да ви соопштам дека со почетокот на школската година јас и мојот тим почнуваме со нов проект наречен „ракометна школа“ во повеќе градови низ нашата држава.
Мојот ракометен камп оваа година го имаше третото издание и од година во година се надрадува и можам слободно да кажам дека успеавме да направиме препознатлив бранд во кој што јас како носител на идеата заедно со мојот тим сме посебно задоволни и горди од зацртаното и оствареното.
Меѓутоа, работејќи и создавајќи го тој проект се појави потреба за нов прокет кој што сакаме да го реализираме, а тоа е да бидеме присутни и да работиме квалитетно со македонските деца во текот на 365 дена во годината.
Секој почеток е тежок но предизвикот е голем. Се работи за иднината на нашите деца и нивно правилно насочување во животот од најмали нозе, а како крајна цел нивното изградување не само како спортисти туку и како личности.
Неоспорен е нашиот талент за спорт како Македонци, ќе се обидеме да го искористиме максимално. Време, трпение и подршка ќе ми биде потребна но ќе работиме стратегиски целно и уникатно.
Не сакаме да бидеме никому конкуренција нити да се споредуваме,сакаме да соработуваме со сите со заедничка цел за напредок на спортот и ракометот во Македонија од најрана возраст.
Сите информации ќе ги добивате на нашата официјална фејзбук страна Школа за ракомет „Кирил Лазаров 7“ (https://www.facebook.com/handballKL7/) и во директен контакт со нашите тренери во кои имам потполна доверба.
Се гледаме во сала!!!“ – Кирил Лазаров, носител на проектот Школа за ракомет „Кирил Лазаров 7“
Од агенцијата „КМГ Спорт“ во улога на организатор на школата информираат дека уписите се започнати, а право да се запишат имаат момчиња и девојчиња родени 2003/04 и помали, кои ќе бидат поделени по возраст и врз основа на досегашното искуство во тренирање ракомет.
Во моментот школата ќе функционира во повеќе градови и тоа во Скопје, Куманово, Свети Николе, Богданци, Стојаково, Валандово, Охрид и Струга, со тенденција да се отвараат школи и во останатите градови каде што има услови и интерес.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп