Приведени пет улични дилери во Скопје

Полициски службеници од Одделот за криминалистичка полиција, Сектор за недозволена трговија со дрога, оружје и опасни материи во соработка со Единицата за недозволена трговија со дрога при СВР Скопје вчера и денеска преземаа акција за откривање и сузбивање на улични дилери со дрога при што лишени до слобода се пет лица.

Како што информираат од МВР, на подрачјето на Аеродром е лишен од слобода Т. Ј. (31) од Скопје затоа што по извршен претрес по издадена судска наредба во неговиот дом се пронајдени марихуана и две дигитални ваги, на подрачје на Карпош се лишени од слобода Б. Т. (50) и Д. Т. (50) двајцата од Скопје затоа што кај Д. Т.  се пронајдени марихуана и прашкаста материја и на подрачје на Карпош се лишени од слобода И. П. (32) и М. Д. (37) двајцата од Скопје затоа што по извршен претрес по издадена судска наредба во домот на М.Д. е пронајдена марихуана.

Од МВР, посочуваат дека по целосно документирање на случаите против лицата ќе бидат поднесени соодветни поднесоци.