Приведени пет странски државјанки од гостиварска кафеана

Во акција на полицијата која синоќа била спроведена во Гостиварско, откриени и приведени биле пет странски државјанки, информираат од СВР Тетово.

Според портпаролот на СВР Тетово, Марјан Јосифоски, во угостителскиот објкет „Мексико Сити“ на улицата „Илинденска“ во Гостивар, нешто по полноќ, биле затекнати седум женски лица на возраст од 23 до 38 години. Тие во локалот биле ангажирани да ги забавуваат гостите како пеачки и танчерки.

По приведувањето било утврдено дека две се државјанки на Република Македонија, три од Албанија и две од Косово. Сопственикот на локалот Р.Б. (43) и македонските државјанки по извршениот разговор се пуштени, а странските државјанки предадени на отсекот за прекугранишен криминал, миграции, странци и реадмисија.

Утрово, под соменине дека ги злоупотребиле туристичкие визи за престој во земјава тие биле изведени пред судија во Основен суд Гостивар. Во последната акција бил приведен и И.Х. (53) од Добри Дол, кој ги омаловажувал и навредувал полициските службеници.

Годинава, во неколку локали во Гостиварско, приведени беа десет странски државјанки, кои исто така во земјава работеле, а при тоа немале дозволи за работа.