Приведени двајца тетовци за издржување затворска казна

Две лица од Тетово, осудени за издржување на затворски казни, се приведени во текот на вчерашниот ден од полицијата по добиени судски наредби, информираше денеска портпаролот на СВР Тетово Марјан Јосифовски.

Двајцата тетовци биле осудени за две различни кривични дела и уште вчера се предадени за издржување на затворските казни во КПУ „Скопје“.

Според податоците од Јосифовски вчера попладне околу 16 часот полициски службеници на СВР Тетово го лишиле од слобода И.Ј. (35) кој се барал за издржување казна затвор од година и пол за кривично дело „насилство“.  Еден час подoцна од слобода  бил лишен и Е.И.(36), осуден на едногодишна затворска казна за „неовластено производство и пуштање во промет на наркотични дроги, психотропни супстанци и прекурсори“.