Приведен крадец во Куманово, одземеното вратено на сопственикот

Полициски службеници од СВР Куманово вчера го лишиле од слобода кумановецот А.Р.(20).

Како што соопшти МВР, тој бил затекнат при извршување кражба во двор од куќа сопственост на В.Ц.(84) од Куманово, во населба „Стари лозја“, при што одзел неколку предмети.

-Одземените предмети биле вратени на сопственикот, а лицето било задржано во полициска станица. По целосно документирање на случајот против него ќе биде поднесена соодветна пријава, се наведува во соопштението.